Дастан Сәтбаевтың бейнесі АПЛ-дың ресми сайтына қосылды: Ол «Челсида» қала ма?

Кеше Дастан Сәтбаев 18 жасқа толды. Енді «Челси» клубымен келісімшарты ресми түрде күшіне енгеннен кейін оның фотосы Англия Премьер-лигасының ресми сайтына қосылды, деп хабарлайды Orda.kz.        

Бұған дейін қазақстандық футболшы халықаралық түрлі платформаларда және лондондық клубтың ресми құжаттарында команда құрамына енгізілген болатын.

Сәтпаев «Челси» клубына 1 шілдеде қосылды, команданың маусым алдындағы турына қатысып, төрт матч өткізір үлгерді. Қазақстандық шабуылшы төрт жолдастық кездесуде – «Вестерн Сидней Уондерерс», «Тоттенхэм», «Ювентус» және малайзиялық «Джохор Дарул Тазим» клубтарына қарсы матчтарда алаңға шықты.

«Вестерн Сидней Уондерерс» командасымен өткен ойында Сәтпаев лондондық клуб сапындағы алғашқы голын соқты.

«Челси» келесі жолдастық кездесуін 15 тамызда испаниялық «Реал Сосьедадқа» қарсы өткізеді. Ойын «Стэмфорд Бридж» стадионында өтеді.

Алматылық «Қайраттан» қанат қағып ұшқан Сәтбаевтың «Челсиге» ауысатыны туралы 2025 жылдың ақпанында жарияланған болатын. Ол «Челси» сапында шабуылшы ретінде 36-нөмірмен тіркелген.

Трансфер құны 2,4 миллион еуро болды. Бонустарды есептегенде бұл 4,3 миллион еуроға дейін өсуі мүмкін. Келісімшарт заңды түрде 2026 жылғы 12 тамызда, яғни Сәтбаев 18 жасқа толған күні күшіне енді.

Бұған дейін «Челси» Сәтбаевқа ойын тәжірибесін жинақтау үшін оны бір жылға жалға беру мүмкіндігін қарастырып жатқаны хабарланған болатын. Себебі оған «Страсбур», «Расинг», «Халл Сити» және басқа да клубтар қызығушылық танытып отыр.

Шілдеде Дастан Сәтбаев ағылшынның «Челси» клубының негізгі құрамында алаңға шығып, алғашқы голын соқты. Ең бастысы Сәтбаев ағылшын клубы сапында өнер көрсетіп, өзінің алғашқы жүлдесін алып та үлгерді.

Футболшының Премьер-лига базасында пайда болуы оның тіркелгенін растайды, алайда бұл оның маусым бойы негізгі құрамда ойнайтынына кепілдік бермейді. Трансферлік терезе 1 қыркүйекте жабылғанға дейін бапкерлер штабы жас шабуылшыны ойын тәжірибесін жинақтау үшін басқа клубқа жалға беруі де мүмкін.

Оқи отырыңыз:

• Дастан Сәтпаев «Челси» сапында дебют жасады
• Дастан Сәтбаев «Челси» сапында алғашқы голын 6-минутта-ақ соқты
• Ақ жол, Дастан! — «Қайрат» Сәтбаевты «Челсиге» шығарып салды