Алматыда қойма өртеніп жатыр: Өртті сөндіруге 63 маман тартылды

Алматының Жетісу ауданында Тобаяқов көшесінде қойма ғимаратынан өрт шықты. Өрт жоғары шақыру деңгейі бойынша сөндіріліп жатыр, деп хабарлайды Orda.kz.       

Алғашқы өрт сөндіру бөлімдері оқиға орнына жеткен кезде ғимаратта ашық жалынмен жанып жатқаны анықталған.

Өрт орнында оны оқшаулау және сөндіру үшін үш өрт сөндіру учаскесі құрылды. Қазір өртті сөндіруге Алматы ТЖД-ның 63 қызметкері мен 16 техникасы, «Алматы-1» ЖЭО-ның 3 қызметкері мен 1 техникасы, «Су Арнасы» және «Алматы Тазалық» қызметтері, ҚТЖ-ның өрт сөндіру пойызы, автопоезд тартылды.

Өрт орнында сөндіру жұмыстары жалғасып жатыр.

Алдын ала мәлімет бойынша, зардап шеккендер туралы 112 желісіне ақпарат түскен жоқ.
Оқиғаның нақты себептері мен мән-жайы анықталуда.

Оқи отырыңыз:

• Қазақстанда бір апта ішінде 47 орман өрті болды
• Алматыда жер астынан шыққан өрт жұрттың зәресін алды: Полиция себебін айтты