Күннің толық тұтылуы: Астрономиялық құбылысты бірнеше ел тамашалады

12 тамызда болған Күннің толық тұтылуы Мәскеу уақытымен сағат 18:34-те басталып, 22:58-де аяқталды. Тұтылудың ең шарықтау кезеңі 20:46-да тіркеліп, 2 минут 18 секундқа созылды, деп хабарлайды Orda.kz.       

Бұл жолғы астрономиялық құбылыс шыңына жақындаған Персеидтер метеор ағыны мен ғаламшарлардың шеруі кезінде болды. 

Күннің толық тұтылуын Испания, Исландия және Гренландияның шығыс бөлігінің тұрғындары көре алды. Ресей аумағында бұл құбылыс тек Таймыр түбегінде толық байқалды.

Ал басқа өңірлердің тұрғындары Күннің тұтылуын тек ішінара бақылады. Мәселен, Мәскеуде Күн небәрі 1 пайызға жабылып, бұл құбылыс шамамен 9 минутқа созылды. Кейін Күн көкжиекке батып кетті.

Тұтылу Ресейдің солтүстігінде басталып, толық көлеңке жолағы Солтүстік Мұзды мұхитты, Гренландияны, Исландияны, Атлант мұхитын, Испанияны және Португалияның шағын бөлігін кесіп өтті.

Әлемнің әр түкпіріндегі тұрғындар сирек кездесетін табиғи құбылыстың фотолары мен бейнежазбаларын әлеуметтік желілерде бөлісіп жатыр.

Ал ғарышкер Петр Дубров Халықаралық ғарыш станциясының бортынан Күн тұтылуының фотосуреттерін Жерге жіберді. Төмендегі 9 және 10-суреттерде ғарыштан түсірілген кадрлар көрсетілген.

Оқи отырыңыз:

• Науқас отадан кейін ішінде қалған дәкемен екі ай қиналып жүрген
• Алматыда қойма өртеніп жатыр: Өртті сөндіруге 63 маман тартылды