Күннің тұтылуын тамашалаған Германия халқы көз ауруына шағымданды

Күн тұтылғаннан кейін Германияда ондаған адам көздеріне қатысты мәселеге туындағанына шағымданып, дәрігерлерге жүгінді, деп хабарлайды Orda.kz.       

Күн тұтылуы Германияның оңтүстік-батысында, атап айтқанда Баден-Вюртемберг жерінде айрықша күшті байқалды. Мұнда Күннің 90%-дан астамы жабылды. Осыдан кейін дәрігерлерге жүгінгендер саны күрт артқан. Тек Мангейм қаласындағы офтальмологиялық клиникада аспан құбылысынан кейінгі бірнеше сағат ішінде шамамен 20 жағдай тіркелген.

Штутгарт пен Фрайбург сияқты басқа қалаларда да осындай жағдай байқалды. Пациенттер бас ауруына, кейбірі бас айналуына, сондай-ақ көздерінің ашып, шаншып және көру аймағында дақтардың пайда болғанына шағымданған.

«Алайда клиникаға жүгінгендердің ешқайсысынан көру қабілетінің нашарлағаны анықталмаған. Дәрігерлер бұл белгілердің ешқандай із қалдырмай өздігінен басылады деп күтуде», деп хабарлады немістердің ақпарат агенттігі dpa. 

Германияда Күннің жартылай тұтылуы 12 тамыз күні кешке анық көрінген. Ауа райының қолайлы болуына байланысты бұл аспан құбылысын жүздеген мың адам бақылаған, ал дүкендерде арнайы қорғаныш көзілдіріктер тез сатылып кеткен. 

Күн тұтылуын жеткілікті қорғанышсыз немесе мүлде қорғалмаған көзбен бақылау көздің тор қабығына зақым келтіретіні белгілі.

Күннің толық тұтылуын Испания, Исландия және Гренландияның шығыс бөлігінің тұрғындары көре алды. Ресей аумағында бұл құбылыс тек Таймыр түбегінде толық байқалды. Ал басқа өңірлердің тұрғындары Күннің тұтылуын тек ішінара бақылады. Мәселен, Мәскеуде Күн небәрі 1 пайызға жабылып, бұл құбылыс шамамен 9 минутқа созылды.

Оқи отырыңыз:

• Күннің толық тұтылуы: Астрономиялық құбылысты бірнеше ел тамашалады
• Нұрай Серікбайдың өлімі бойынша сот үкімі шықты: Өмір бойына бас бостандығынан айыру жазасы берілді