Ресейлік стример Fasoollka арандату сөздерін айтқаны үшін елден шығарылды

Қазақстанға кіруіне бес жыл шектеу қойылған шетелдік блогер елден шығарылды. Астана полициясы оның ұшақ бортына дейін жеткізілген сәттің видеосын жариялады, деп хабарлайды Orda.kz.       

Полиция мәліметінше, өзін Fasoollka деп таныстыратын стример Қазақстанда тікелей эфир жүргізіп, елге қатысты арандатушылық және деструктивті пікірлер айтқан. Атап айтқанда, ол Қазақстан қалаларының аумақтық тиесілігі мен елдің аумақтық тұтастығына күмән келтірген.

Сонымен қатар блогер Қазақстан азаматтарына, мәдениеті мен дәстүрлеріне қатысты менсінбейтін стереотиптерді қолданған.

Оның эфирлерін полиция әлеуметтік желілерді мониторингтеу барысында анықтаған. Сот шешімімен блогер әкімшілік жауапкершілікке тартылып, айыппұл салынды. Бұдан бөлек, оның Қазақстанға кіруіне 5 жылға шектеу қойылды.

Оқи отырыңыз:

• Туған нәрестесін 800 мыңға саудалап, 100 мың теңгеге сатпақ болған әйел сотталды
• Балаларды зорламақшы болған АИТВ жұқтырған адам 20 жылға сотталды