Балаларды зорламақшы болған АИТВ жұқтырған адам 20 жылға сотталды

Құқық қорғаушы Дина Таңсәрі әлеуметтік желідегі парақшасында өзінің АИТВ мәртебесін біле тұра, Астанада кәмелетке толмаған балаларға шабуыл жасаған 30 жастағы ер адамға қатысты қылмыстық іс туралы жазды, деп хабарлайды Orda.kz.

Апелляциялық шағым қаралғаннан кейін сот үкімі заңды күшіне енді.

Оның айтуынша, ер адам бұған дейін бес рет қылмыстық жауапкершілікке тартылған. 2025 жылғы шілдеде ол алдымен бірнеше қызға шабуыл жасаған. Көршілері оны ұстап, полицияға тапсырғанымен, кейін босатылған.

Келесі күні ол 12 жастағы және екі жастағы екі апалы-сіңліге шабуыл жасаған. Қыздар дүкеннен қайтып келе жатқан кезде ер адам олардың артынан келіп, үлкен қызға тиіседі. Апалы-сіңлілілер қашуға тырысқанымен, ер адам оларды қуып жетіп, қалың шөптің арасына қарай сүйреп барған. Сол жерде ол қызға тиісуге әрекет жасаған.

Қыз айқайлаған кезде ер адам оның беті мен ішінен ұрып, кейін кішкентай қарындасын ұстап, тұншықтыра бастаған. Үлкен қыз шабуыл жасаған адамды тістеп алған. Осы сәтті пайдаланып, екі қыз оның қолынан босап, қашып кеткен.

Таңсәрінің айтуынша, осы оқиғадан кейін де ер адам қайтадан босатылған.

Бастапқыда оның әрекеті Қазақстан Республикасы Қылмыстық кодексінің 121-1-бабы – «Он алты жасқа толмаған адамдарға сексуалдық сипаттағы тиісу» бойынша сараланған. Бұл бап бойынша айыппұл салу, түзеу немесе қоғамдық жұмыстарға тарту, сондай-ақ 50 тәулікке дейін қамауға алу жазасы қарастырылған.

Құқық қорғаушылар қылмысты саралау тәртібін өзгертіп, айыпты қатаңдатуды талап етті. Нәтижесінде іс Қазақстан Республикасы Қылмыстық кодексінің 121-бабының 4-бөлігі – сексуалдық сипаттағы зорлық-зомбылық әрекеттері бойынша қаралды.

Маусым айында Астана соты ер адамды 20 жылға бас бостандығынан айыру туралы үкім шығарды. Апелляциялық сотта іс қаралғаннан кейін үкім заңды күшіне енді.

Оқи отырыңыз:

• Министрлік eGov бұзылып, 15 млн адамның дерегі тарап кетті деген ақпаратқа түсініктеме берді
• Су күніне екі сағат қана беріледі: Ақши тұрғындары 10 жылдан бері мәселенің шешілуін күтіп жүр