Ақ жол, Дастан! — «Қайрат» Сәтбаевты «Челсиге» шығарып салды

Алматылық «Қайрат» клубы мансабын ағылшынның «Челси» клубында жалғастыратын Дастан Сатбаевпен қоштасты, деп хабарлайды Orda.kz.

Қазақстан чемпионатының 17-туры аясында «Қызылжарға» қарсы матч алдында клуб 17 жастағы шабуылшыға арнайы салтанатты шығарып салу рәсімін ұйымдастырды.

«Қайраттың» бақылау кеңесінің төрағасы Қайрат Боранбаев футболшыға 58 нөмірі бейнеленген естелік жейдені табыстады. Бұл – Сатбаевтың негізгі құрам сапында өткізген матчтарының саны. Сондай-ақ стадионда оның есімі жазылған баннер ілінді.

Алматылық клуб сапындағы соңғы ойынында шабуылшы дубль жасап, жарқырай көрінді. «Қайрат» Орталық стадионда «Қызылжарды» 3:0 есебімен жеңді. Сатпаев 59 және 87-минуттарда гол соқты, тағы бір голдың авторы — Исмаил Бекболат.

Осы кездесуден кейін футболшы Англияға аттанады. Еске салайық, 2025 жылдың басында лондондық клуб қазақстандық шабуылшының трансферін отандық футбол үшін рекордтық 4,3 миллион еуроға сатып алған болатын.

Біз бұған дейін жас та болса танылып үлгерген Дастан Сәтбаев «Қайрат» сапындағы соңғы матчтарын өткізіп, «Челсиге» ауысатынын жазған едік. Дастан Сәтбаев үшін бұл кездесу лондондық «Челсиге» ауысар алдындағы «Қайрат» құрамындағы соңғы ойыны болды.

Оқи отырыңыз:

• Дастан Сәтбаев «Қайрат» сапындағы соңғы матчтарын өткізіп, «Челсиге» ауысады
• Аида Балаева «Қайрат» шабуылшысы Дастан Сәтбаевқа «Дарын» сыйлығын табыстады
• «Челси» қазақстандық футболшыға рекордтық 4,3 миллион еуро төлейді