Түркияда қазақ жігіттері киіз үй тігіп жатыр

Түркияның Кахраманмараш қаласында қазақ жігіттері киіз үй тігіп жатыр. Қазақстан халқы бауырлас Түркия еліндегі табиғи апатқа қатысты 20 миллион теңге жинады. Бұл туралы журналист Нұрбек Бекбау әлеуметтік желіде айтты.

Журналистің айтуынша, қазақстандықтар киіз үй сатып алу үшін 20 миллион теңгеден астам қаражат жинаған. Оның ішінде 17 миллион теңгеге 45 киіз үй сатып алынса, қалған қаражатқа тұрмыстық заттар сатып алынды.

«Ал құрметті бауырларым, аға-әпкелерім: Сіздердің қаражатпен жиналған киіз үйлерді Түркияға апару, құрастыру үшін арнайы тобым ұшаққа отырды. Кіл сайдың тасындай іріктелген! Мен кеше келіп алдым. Бүгін қарсы алып, осы топпен зілзаладан қираған қалалар жанына боз үйлерді тігеміз. Ошақ орнатып, қазанда ас қайнатып, бір туғандарға болысамыз. Артығымен айту күллі түріктекті жұртқа тән екен ғой. 30 киіз үйді 300 келді, - дейді. Бұл қарағандылық ағайынның боз үйлері. Ертең 84 киіз үй келуі керек, - деді  журналист» деп жазды Нұрбек Бекбау.