Саида Мирзиёева президент әкімшілігінің «қызметкер» мысықтарын көрсетті

Президент әкімшілігінің басшысы Саида Мирзиёева 28 маусымнан бастап Өзбекстанда жануарларға қатыгездік көрсету үшін жауапкершілік күшейтілгенін еске салды, деп хабарлайды Orda.kz.       

Енді мұндай құқықбұзушылықтар үшін әкімшілік айыппұлдар ұлғайтылды, ал кейбір жағдайларда 15 тәулікке дейін әкімшілік қамау жазасы қолданылуы мүмкін. Саида Мирзиёева зорлық-зомбылықтың кез келген көрінісіне төзбеушілік қоғам қауіпсіздігінің маңызды шарты екенін атап өтті.

Оның айтуынша, әрбір тіршілік иесінің өзіндік құндылығы бар, ал балаларды ерте жастан жануарларға және қоршаған ортаға мейірімді әрі ұқыпты қарауға тәрбиелеу қажет. Бұл мәселеде ата-аналардың жауапкершілігі ерекше екенін де айтты.

Сонымен қатар Мирзиёева бейнероликте Ялпиз және Дархон атты мысықтарды көрсетіп, әзілдеп оларды президент әкімшілігінің «қызметкерлері» деп атады.

Оқи отырыңыз:

• Роза Әлқожа әншілерді «шайтанның азаншысы» деген қонақтың сөзіне шамданды
• Қырғызстан мен Өзбекстан аумақ алмасу үдерісін ресми түрде бастады