Келесі жылдан бастап шетелдіктердің елге кіруі ақылы болады

Қазақстанда шетел азаматтары мен азаматтығы жоқ тұлғалар үшін елге кіруге ақылы электронды рұқсат енгізу ұсынылды, деп хабарлайды Orda.kz.        

Сонымен қатар иммигранттардың елде болу және шығу тәртібі де өзгеруі мүмкін.

Жоба «Ашық НҚА» порталында жарияланды. Құжатқа сәйкес, жаңа жүйе көші-қон ағындарын жылдамырақ әрі нақты есепке алуға мүмкіндік береді. Ал жиналған қаражат цифрлық платформаны қызмет көрсету мен жаңғыртуға жұмсалмақ.

Құжатта көрсетілгендей, электронды рұқсаттың құнын саралау техникалық қызмет көрсетуді үздіксіз жүргізуге, цифрлық инфрақұрылымды дамытуға және жеке деректерді қорғауға бағытталады.

Жоба бойынша қоғамдық талқылау 2026 жылғы 17 тамызға дейін жалғасады. Ал жаңа жүйені кезең-кезеңімен енгізу 2026 жылдың тамызы мен желтоқсаны аралығында жоспарланып отыр.

Оқи отырыңыз:

• Интернет кеңістікті боғауыз «треш-стримерлерден» тазарту жалғасады
• Отырарда Алтын Орда дәуіріне тиесілі ең көне мешіт табылды