Түркия мен Сириядағы жер сілкінісі құрбандарының саны 33000-нан асты

Түркия мен Сириядағы жойқын жер сілкіністерінен қаза тапқандар саны 33000-нан асты. Құтқарушылар үйінді астынан аман қалғандарды шығарып жатыр.

Түркия билігі зілзаладан зардап шеккен кейбір ғимараттарға қатысты сот ісін бастады. Елдегі құрылыс сапасы назарға алынды.

Түркия Вице-президенті Фуат Октай осы уақытқа дейін 10 провинциядағы мыңдаған ғимараттардың құлауына 131 адам күдікті атанғанын хабарлады.

Түркия президенті Режеп Ердоған қираған орындарды бірнеше апта ішінде қалпына келтіруге уәде берді. Айта кетейік, Түркиядағы жер сілкінісі президенттік және парламенттік сайлау қарсаңында болды.