Қазақстанда жоғары жалақы алатын мамандар белгілі болды

Қазақстанның қай өңірінде мамандар ең көп жалақы алатыны белгілі болды, деп хабарлайды Finprom.kz.

2022 жылдың төртінші тоқсанында ең жоғары орташа айлық жалақы дәстүрлі түрде Атырау (556 мың теңге) және Маңғыстау (509 мың теңге) облыстарында, сондай-ақ Астана қаласында (469,3 мың теңге) және Ұлытау облысында (448,9 мың теңге) тіркелді.

Аталғандай, егер Ұлытау, Атырау және Маңғыстау облыстарында жалақының сатып алу қабілеті тиісінше 12,4%-ға, 11,4%-ға және 7,8%-ға өссе (және бұл Қазақстан Республикасының өңірлері арасындағы ең жоғары өсу қарқыны), онда Астанада сатып алу қабілетінің 2%-ға төмендеуі байқалады.

Қазақстандағы ең жоғары ақы төленетін жұмыс бағыттары туралы айтатын болсақ, онда 2022 жылдың төртінші тоқсанында тау-кен өнеркәсібі және карьерлерді қазу секторының жұмысшылары ең көп алды: 728,2 мың теңге – Қазақстан Республикасы бойынша орташа деңгейден 2,2 есе көп.

Одан кейін қаржылық және сақтандыру қызметі (628,2 мың теңге), сондай-ақ кәсіптік, ғылыми және техникалық қызмет (534,7 мың теңге).

Ең төменгі жалақы балық аулау және акваөсіру саласы қызметкерлеріне тиесілі: бар болғаны 112,5 мың теңге, бұл Қазақстан Республикасы бойынша орташа деңгейден үш есе аз. Олардан кейін өнер, ойын-сауық және демалыс (206,5 мың теңге), сондай-ақ егін және мал шаруашылығы, аңшылық және осы салаларда қызмет көрсету (208 мың теңге) келеді.

Сарапшылардың бағалауынша, 2022 жылдың төртінші тоқсанында Қазақстандағы орташа жалақы 338,7 мың теңгеге жетті, бұл 2021 жылдың төртінші тоқсанымен салыстырғанда бірден 22,9 пайызға артық.