Петропавлда 9-сынып оқушысы мектепке балта мен пышақ әкеліп, үш бала жарақат алды

Петропавлда 9-сынып оқушысы мектепке балта мен пышақ әкеліп, үш бала жарақат алды. Зардап шеккен балалар ауруханаға жатқызылды.

Петропавлдағы №4 орта мектепте төтенше жағдай орын алды.

 Сағат 7:50-де 9Б сынып оқушысы мектепке сөмкесіне салып балта мен пышақ әкелген, деп хабарлады Солтүстік Қазақстан облысының прокуратурасы мен ПД.

«Ол екінші қабатқа көтерілген. Дәретханаға барып, киімін ауыстырып, бетперде киген. Артынша дәлізге шығып, 10 «А» сынып оқушысын, 10 «Б» сынып оқушысын, 9 «Б» сыныбының оқушысын жаралаған. Біреуі қансырап, бірінші қабатқа түскен. Балалар ауруханада жатыр. Болжам бойынша - басы жарылып, пышақ жарақатын алған» делінген хабарламада.

 Болжам бойынша, балаларға шабуыл жасаған оқушы есепте тұр, 2 қыркүйек пен 24 қараша аралығында ол жындыханада болған.  Екінші тоқсанның ортасында оқуға кіріскен.

 №4 мектепте мамандандырылған күзет жоқ, деп хабарлады прокуратура.