Экс-президент пен оның әйелі 15 жылға сотталды

Перу соты бұрынғы президент Оллант Умалды 15 жылға бас бостандығынан айырды, деп хабарлайды Orda.kz. 

Латын Америкасын дүр сілкіндірген іс бойынша сот шешімі шықты. Экс-президент ақшаны жылыстатқаны үшін кінәлі деп танылды. 

Перу баспасөзінің хабарлауынша, Умал мен оның әйелі Надин Эредия 2006 және 2011 жылдардағы сайлау науқандары кезінде Бразилияның Odebrecht құрылыс компаниясы мен Венесуэла үкіметінен шамамен 3 миллион доллар қаражат алған. 

Умаланың әйелі де сайлау науқаны кезінде ақша жымқырғаны үшін 15 жылға бас бостандығынан айырылды. Сонымен қатар экс-президенттің әйелінің ағасы Илан Эредия да осы іс бойынша 12 жылға бас бостандығынан айырылды. Судья сотталушылардың айыбы толық дәлелденгенін мәлімдеді. 

Хумала басқа да экс-президенттермен бірге Лимадағы «Барбадилло» түрмесінде жазасын өтейді.

Айта кетейік, Қырғызстан прокуратурасы бұрынғы президент Алмазбек Атамбаевқа 11 жыл бас бостандығынан айыру жазасын сұрады. Атамбаевқа 2019 жылдың 7-8 тамызында Қой-Таш ауылында болған тәртіпсіздіктерге қатысу, сыбайлас жемқорлық және қылмыстық кірістерді заңдастыру сынды айыптар тағылған.