Семейде көпір үстіне жатып суретке түскен әйелге айыппұл салынды

Семейде түнгі фотосессия кезінде көпірдің дәл ортасына жатып суретке түскен әйел жол қозғалысы ережесін бұзғаны үшін әкімшілік жауапкершілікке тартылды, деп хабарлайды Orda.kz.

Семейде көпірдің үстіне жатып фотосессия жасаған әйел әкімшілік жауапкершілікке тартылды. Оның әрекеті әлеуметтік желіде тараған видеодан кейін полицияның назарына ілінді.

Желіде жарияланған кадрларда әйел түнгі жарықпен безендірілген көпір аясында суретке түсу үшін жолдың ортасына жатып, фотографқа түрлі қалыпта поза бергені көрінеді.

Полиция қызметкерлері әйелдің жеке басын анықтады. Ол Ақтөбе облысының 35 жастағы тұрғыны болып шықты. Әйелге 2 айлық есептік көрсеткіш, яғни 8650 теңге көлемінде айыппұл салынды. Сонымен қатар, оған қатысты жол қозғалысы ережесін бұзғаны үшін әкімшілік хаттама толтырылды.

Оқи отырыңыз:

Qatar Airways инсульт алған қазақстандық әйелді ауруханасы жоқ аралда қалдырды

АҚШ Иранға қарсы теңіз қоршауын қайта бастайды