Прокуратура Алмазбек Атамбаевқа 11 жыл бас бостандығынан айыру жазасын сұрады

Қырғызстан прокуратурасы бұрынғы президент Алмазбек Атамбаевқа 11 жыл бас бостандығынан айыру жазасын сұрады, деп хабарлайды Orda.kz.

Сот отырысында Қой-Таш оқиғасы бойынша тараптардың жарыссөзі аяқталды. Прокурорлар бірнеше сағат бойы айыптау актісін оқыды. Елдің бұрынғы президенті Алмазбек Атамбаевқа прокурор 11 жылға бас бостандығынан айыру жазасын сұрады. 

Бұрынғы мемлекет басшысына бірнеше қылмыстық іс қозғалған. Соның ішінде 2019 жылдың 7-8 тамызында Қой-Таш ауылында болған тәртіпсіздіктерге қатысу, сыбайлас жемқорлық және қылмыстық кірістерді заңдастыру сынды айыптар бар.

Сондай-ақ, оған Түркия азаматтарына заңсыз төлқұжат берді және 2020 жылы қазан айындағы жаппай тәртіпсіздіктерді ұйымдастырды деген айыптар тағылған еді. Бірақ бұл істер бойынша ол ақталды.

Оның бұрынғы оққағары Қанат Сағымбаевқа 11,5 жыл, экс-президенттің әкімшілігінің бұрынғы басшысы Фарид Ниязовқа, бұрынғы депутат Равшан Жээнбековке және серіктесі Фархат Баабиевке 10 жыл түрме жазасы сұралды. Мемлекеттік ұлттық қауіпсіздік комитетінің Тоғызыншы қызметінің бұрынғы қызметкері  Қанат Сағымбаевқа да 11 жыл жаза беру талап етілді.