Абай облысында пышақталған қыздың мәйіті табылды

Абай облысының Бородулиха ауылында пышақ жарақаты бар қыздың мәйіті табылды. Полицейлер адам өлтіруге күдікті ретінде 20 жастағы аудан тұрғынын ұстады, деп хабарлайды Orda.kz.

13 шілде күні таңертең Абай облысы Бородулиха ауылындағы үйлердің бірінің маңынан пышақ жарақаты бар қыздың мәйіті табылды.

Облыстық полиция департаментінің мәліметінше, адам өлтіру фактісі бойынша қылмыстық іс қозғалды. Жедел іздестіру шаралары барысында күдіктінің жеке басы анықталып, 20 жастағы аудан тұрғыны ұсталды. Қазір ол уақытша ұстау изоляторына қамалған.

Тергеудің алдын ала нұсқасына сәйкес, күдікті марқұммен таныс болған. Екеуінің арасында жеке бас араздығынан жанжал туындап, соңы қайғылы оқиғамен аяқталған. Қазіргі уақытта оқиғаның барлық мән-жайы анықталып жатыр.

Оқи отырыңыз:

25 жыл түрмеде отырған «балталы маньяк» бостандықта қайтадан әйелге шабуыл жасады

Астана маңындағы демалыс базасында ер адам өлім аузынан қалды