АҚШ Иранға қарсы теңіз қоршауын қайта бастайды

АҚШ Орталық қолбасшылығы  Дональд Трамптың тапсырмасымен 14 шілде күні Иран порттарына кіріп-шығатын теңіз қозғалысын қайтадан қоршауға алатынын мәлімдеді, деп хабарлайды Orda.kz.

Шетелдік БАҚ-тың мәліметінше, АҚШ президентінің тапсырмасына сәйкес, АҚШ Орталық қолбасшылығының (CENTCOM) күштері 14 шілде күні Шығыс жағалау уақытымен сағат 16:00-де Иран порттарына кіретін және шығатын теңіз қатынасына қатысты қоршауды қайта енгізеді.

CENTCOM күштері Иран порттары мен жағалау аймақтарына қатынайтын кемелерге қатысты қоршау режимін қамтамасыз етеді. Сонымен қатар, АҚШ әскері бұл шектеулерді бұзбайтын өзге кемелердің аймақтық сулар арқылы еркін қозғалысын қолдауды жалғастырады.

Иранға қарсы теңіз қоршауы бұған дейін 13 сәуір мен 18 маусым аралығында қолданылған болатын. Осы екі ай ішінде CENTCOM күштері талаптарға бағынған 140-тан астам кеменің бағытын өзгертті, талаптарды орындамаған тоғыз кемені тоқтатты және гуманитарлық жүк тасымалдаған 50-ден астам коммерциялық кеменің қоршаудан өтуіне рұқсат берді.

Оман шығанағы мен Ормуз бұғазына жақын аймақта жүзетін барлық теңізшілерге Notice to Marinersхабарламаларын қадағалап, қажет болған жағдайда АҚШ әскери-теңіз күштерімен 16-арна арқылы байланысқа шығу ұсынылды.

Оқи отырыңыз:

«Қарасора – 2026»: Он күнде 121 келіден астам синтетикалық есірткі тәркіленді

Адам жегіш Николай Жұмағалиев психиатриялық ауруханадан тараған видеода не айтты?