45 градусқа дейін ыстық: Синоптиктер ауа райына қатысты ескерту жасады

Синоптиктердің болжамынша, алдағы күндері Қазақстанның солтүстігінде ауа райы салқындап, жаңбыр жауады. Ал елдің оңтүстігі мен шығысында аптап ыстық сақталып, кей өңірлерде ауа температурасы 45 градусқа дейін көтеріледі, деп хабарлайды Orda.kz.

«Қазгидрометтің» мәліметінше, еліміздің солтүстік өңірлеріне солтүстік-батыс циклоны әсер ете бастайды. Соның салдарынан найзағай ойнап, жаңбыр жауады. 15–16 шілде күндері кейбір аудандарда нөсер жаңбыр жауып, бұршақ түсуі мүмкін. Сонымен қатар жел күшейіп, күндізгі ауа температурасы 25–30 градусқа дейін төмендейді.

Ал Қазақстанның оңтүстігі мен шығысында жауын-шашынсыз, құрғақ әрі ыстық ауа райы сақталады. Синоптиктер мұны Өзбекстан аумағынан келетін құрғақ ауа массаларымен байланыстырады. Болжам бойынша, оңтүстік өңірлерде күндіз ауа температурасы 40–45 градусқа дейін көтерілсе, шығыста 33–38 градусқа дейін ысиды. 

Оқи отырыңыз:

• Qatar Airways инсульт алған қазақстандық әйелді ауруханасы жоқ аралда қалдырды
• Петропавлда есірткі тасымалдаушы полициядан қашамын деп дүкенді талқандады