«Қарасора – 2026»: Он күнде 121 келіден астам синтетикалық есірткі тәркіленді
Фото: Бейнеден кадр
Қазақстан Ішкі істер министрлігі «Қарасора – 2026» жедел-профилактикалық іс-шарасы аясында ел бойынша есірткінің заңсыз айналымына қарсы күресті күшейтіп жатыр, деп хабарлайды Orda.kz.
Ведомствоның мәліметінше, Астанада 26 жастағы тұрғын ұсталды. Тінту барысында оның өзінен және жалға алған пәтерінен 227 орамға бөлінген, жалпы салмағы 245 грамм α-PVP синтетикалық есірткісі табылған. Күдікті бұл заттарды қала ішінде таратпақ болған.
Шілденің алғашқы онкүндігінде құқық қорғау органдары 187 есірткіге қатысты құқық бұзушылықты анықтады. Оның ішінде 101-і қылмыс, ал 86-сы қылмыстық терісқылық. Осы уақыт аралығында есірткіні өткізудің 46 дерегі, аса ірі көлемде сақтаудың 4 фактісі және құрамында есірткісі бар өсімдіктерді өсірудің 40 жағдайы тіркелді. Бұдан бөлек, 4 есірткі контрабандасы фактісі әшкереленді.
Жалпы заңсыз айналымнан 760 келі есірткі және 266 келі прекурсор тәркіленді. Соның ішінде 121 келіден астамы синтетикалық есірткі.
Жазғы кезеңде жастар арасында алдын алу шараларына да ерекше назар аударылуда. 10 күн ішінде 6 мыңға жуық жас қамтылған 145 профилактикалық іс-шара ұйымдастырылған.
ІІМ өкілі Елдар Әбдікенов министрлік азаматтардың қауіпсіздігін қамтамасыз ету және жастарды есірткіден қорғау бағытындағы жұмысты жалғастыратынын атап өтті.
Еске салсақ, жақында Петропавлда есірткі тасымалдаушы полициядан қашамын деп дүкенді талқандады. Петропавл қаласында полиция қызметкерлері есірткі таратуға күдікті екі адамды, 25 жастағы ер адам мен 18 жастағы қызды қылмыс үстінде ұстады.
Сонымен қатар интернет-есірткі дүкенінінің «қоймасы» қызметі әшкереленді. «Қарасора – 2026» жедел-алдын алу іс-шарасы барысында полиция қызметкерлері Астана қаласының 40 жастағы тұрғынын ұстады. Ер адам Telegram мессенджері арқылы есірткі таратумен айналысқан интернет-есірткі дүкені «қоймасы» деп аталатын рөлін атқарған.
Оқи отырыңыз:
Жаңалықтар
- АҚШ алғаш рет Польша арнайы жасағын Украинадағы дрон соғысының тәжірибесі бойынша жаттықтырып жатыр
- Енді депутаттарға сауал тек баспасөз орталығында қойылуы мүмкін
- Тоқаев премьер-министр Олжас Бектеновті қабылдады
- Батыс Қазақстанда балабақша есепшісі 30 млн теңге жымқырды деген күдікке ілінді
- Тоқаев вице-президент Ерлан Қаринді қабылдады
- Непал мен Қытай шекарасындағы алапат су тасқынынан кейін хабар-ошарсыз кеткендер саны күрт өсті
- Иран президенті ШЫҰ саммитіне қатысу үшін Қырғызстанға ұшып кетті
- Қазақстан С-300 зениттік-зымыран кешенін сынақтан өткізді
- Ләззат Танысбай «Хабар» агенттігінің басқарма төрағасы болып тағайындалды
- Бектенов премьер-министр болып қайта тағайындалғаннан кейін Құрылтайда ант берді
- Ерлан Қарин Қазақстанның вице-президенті болды
- Мектептер полицияның бақылауына алынды: 283 мың камера жұмыс істеп тұр
- Олжас Бектенов ҚР премьер-министрі қызметіне ұсынылды
- Қасым-Жомарт Тоқаев вице-президент қызметіне Ерлан Қариннің кандидатурасын ұсынды
- Кипр маңында 267 адам мінген кеме аударылып, жеті адам қаза тапты
- Непалда жүздеген танылмай қалған мәйіт жаппай жерленіп жатыр
- Аризонадағы Үлкен шатқалда су тасқынынан кейін 20 адам хабар-ошарсыз кетті
- Ақтауда адам мінген катер жартасқа соғылып, екі адам қаза тапты
- АҚШ пен Иран соққы алмасты: Не болды?
- Исландия Еуроодаққа кіруден бас тартты. Ең басты себеп — балық
