Дәулет Тұрлыхановтың ұлына қатысты қылмыстық іс қозғалды

Адвокаттар шағымынан кейін ҚР еңбек сіңірген спортшысы Дәулет Тұрлыхановтың ұлының үстінен қылмыстық іс қозғалған.

«Бұл дерек ҚР Қылмыстық кодексінің 293-бабы (Бұзақылық) бойынша сотқа дейінгі тергеп-тексерудің бірыңғай тізіліміне тіркелді. Қылмыстық іс бойынша алғашқы тергеу әрекеттері жүргізіліп, сараптамалар тағайындалды» деп хабарлады Алматы полиция департаментінен.

Сондай-ақ, күдіктінің әскери адам екені, сондықтан іс материалдары қалалық прокуратураға жіберілгені атап өтілді.

Бұған дейін Алматыда адвокаттар Анна Димитриевич пен Олег Черновқа кешкі уақытта шабуыл жасалып, соққыға жығылған болатын.

Жәбірленушілер ешкім кешірім сұрамағанын хабарлады.