Түркістан облыстық қоғамдық даму басқармасының бұрынғы басшысы қамауға алынды
Түркістан облыстық қоғамдық даму басқармасының бұрынғы басшысы Дамир Жүнісов пандемия кезінде мемлекеттің шамамен 240 млн теңгесін «адамдар тобымен алдын ала сөз байласып иемденді немесе талан-таражға салды» деген күдікке ілінген. Тергеу соты күдіктіні үйқамаққа жіберді. Прокуратура соттың қаулысымен келіспейді.
Облыстық соттың Orda.kz тілшісіне хабарлауынша, сыбайлас жемқорлыққа қарсы іс-қимыл агенттігі Түркістан облысы бойынша департаментінен облыстық тергеу сотына өтінішхат түскен. Департамент облыстық қоғамдық даму басқармасының бұрынғы басшысы 33 жастағы Дамир Жүнісовті қамауға алуды сұраған.
Қаулыға қарағанда, Жүнісов басқарма басшысы қызметін атқарған кезде 11 кәсіпкермен алдын ала сөз байласқан. Басқарма басшысының орынбасары Жақыпбековпен бірге пандемия кезінде енгізілген бірнеше ереже талабын қасақана бұзып, «заңсыз жолмен пайда табу қылмыстық ойын қасақана іске асыру мақсатында мемлекеттің сеніп тапсырылған бөтен мүлкін бірнеше рет адамдар тобымен алдын ала сөз байласып, аса ірі мөлшердегі 239 871 438 теңгені иемденіп немесе талан-таражға салған» деген күдікке ілінген.
Оның үстінен Қылмыстық кодекстің «Сеніп тапсырылған бөтен мүлікті иемденіп алу немесе талан-таражға салу» бабымен (189-бап) қылмыстық іс қозғалған.
Жүнісов 13 қаңтар күні ұсталған, 15 қаңтар күні облыстық тергеу соты оны үйқамаққа жіберу туралы қаулы шығарған. Сот оның кәмелетке толмаған баласы және бұрын сотты болмағанын ескерген.
Жүнісов сотта «кінәсін толық мойындап, шынайы өкінетінін айтқан».
Бұл іс бойынша сыбайлас жемқорлыққа қарсы іс-қимыл агенттігі Түркістан облысы бойынша департаменті тергеуді 2022 жылдың маусым айынан бастаған. Алғашында Жүнісов іс бойынша «қорғануға құқығы бар куә» ретінде тартылған.
Жүнісовтің үйқамақта екенін оның қорғаушысы растады. Бірақ тергеу сотының қаулысымен прокуратура келіспей, апелляциялық шағым түсірген.
Дамир Жүнісов Шымкент және Түркістан облысында бірнеше лауазымды қызмет атқанған. Соңғы рет Шымкент қалалық мәдениет, тілдерді дамыту және архивтер басқармасы басшысының міндетін уақытша атқарған.
Жаңалықтар
- Новороссийскіге ұшқышсыз шабуыл: Қазақстан мұнайының экспортына қауіп төніп тұр ма?
- БҚО-да түлектердің ақшасына жасалған ұстазға арналған ескерткіш бұзылды
- Антикор Ауыл шаруашылығы министрлігіндегі пара алу ісі бойынша тергеуді аяқтады
- Алматыда жаңа саябақ пайда болады
- Бүгін Қасым-Жомарт Тоқаевтың туған күні
- Ұлттық экономика вице-министрі қызметінен кетті
- Ералы Тоғжанов премьер-министрдің кеңесшісі болып тағайындалды
- Алматы мен Алматы облысында өзен тасуы мүмкін
- Семейде бір ай бұрын жоғалып кеткен қыздың денесі табылды
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатып, біразын тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр стансасын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр
- Оралдағы су басқан саяжай тұрғындары тағы да әкімдікке жиналды
- Енді үйдегі интернетті телефон арқылы қосуға болады
- Тоқаевтың Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды
- Татарстанда қазақ тілі оқытылатын болады