Өзбекстан алғашқы жерсерігін ұшырды

Өзбекстан Жерді қашықтан зондтауға арналған «Samarkand-2028» гиперспектралды жерсерігін сәтті ұшырды. Жерсерік Қытайдың Шаньдун провинциясы жағалауындағы теңіздегі ұшыру платформасынан ғарышқа шығарылды, деп хабарлайды Orda.kz.       

Аппарат Қытайдың Star.Vision компаниясымен бірлесіп әзірленген.

Жоба аясында жерсеріктің борттық жүйесіне арнайы жасанды интеллект модулі орнатылған. Бұл модуль гиперспектралды деректерді тікелей орбитада өңдеуге мүмкіндік береді. Нәтижесінде ақпаратты жеткізу тиімділігі артып, оны кейінгі талдау үдерісі жеңілдейді.

Жерсеріктен алынатын деректерді ауыл шаруашылығы, экологиялық мониторинг, су ресурстарын басқару, төтенше жағдайларды болжау және қалалық инфрақұрылымды жоспарлау сияқты негізгі салаларды дамыту үшін пайдалану жоспарланып отыр.

«Samarkand-2028» – Өзбекстан үшін ғарыш саласындағы ірі халықаралық жобалардың бірі. Сонымен қатар ол Қытаймен ғылыми-техникалық ынтымақтастықты нығайтуға ықпал етеді.

Бұған дейін 2028 жылы Өзбекстан өз алғашқы ғарышкерін ғарышқа ұшыратынын хабарланған болатын.

Оқи отырыңыз:

• Тоқаевтың 30 жылдан бері айтқан ой-толғамдары бір кітапқа топтастырылды
• Ақтауда жасөспірімдер оқушыны соққыға жығып, видеоға түсірген