Алматыдағы «Теремки» тұрғын үй кешенінде бір топ жігіттің екі адамды соққы астына алған видеосы тарады

Куәгерлер түсірген кадрлардан жерде жатқан ер адамдарды бірнеше жігіттің басынан тепкілеп жатқанын көруге болады. Салдарынан жәбірленушілердің бірі есінен танып қалған, деп хабарлайды Orda.kz.

Қалалық полиция департаменті бұл оқиғаның 4 тамыз күні түнгі 03:50 шамасында болғанын мәлімдеді. Ведомство ақпаратынша, өзара таныс бес адам қоғамдық орында жанжалдасып, тұрғындар тыныштығын бұзған.

Төбелеске қатысқандардың бәрі анықталып, ұсталды. Олардың екеуіне қоғамдық орында масаң күйде жүргені үшін айыппұл салынды. Ал бесеуінің де үстінен «ұсақ бұзақылық» бабы бойынша әкімшілік іс қозғалып, материалдар сотқа жолданды.

Оқи отырыңыз:

• Көктал ауылы көмек сұрауда: Тұрғындар мектепсіз, көпірсіз, ауруханасыз өмір сүріп жатыр
• Ғалымдар кондиционерсіз бөлмені салқындататын материал жасады