Тоқаев ШЫҰ-ын жаңғырту қажеттігін мәлімдеді

Қазақстан президенті Қасым-Жомарт Тоқаев Шанхай ынтымақтастық ұйымының болашағы туралы маңызды мәселелер талқыланғанын атап өтті.

Бұл туралы Ақорда хабарлайды.

«Біз Шанхай ынтымақтастық ұйымының келешегіне үлкен үміт артамыз. Осыған байланысты, ұйымның халықаралық беделі мен ықпалын арттыру үшін оның жұмыс механизмдерін жетілдіруге ерекше назар аударылды. Қазіргі таңда біз қол қоятын құжаттар ШЫҰ тарихындағы жаңа маңызды кезеңнің басталуына жол ашып, ұйымның жүйелі әрі жан-жақты дамуына ықпал ететініне сенімдімін», – деді Қазақстан президенті.

Іс-шара соңында президент барлық қатысушыларға қолдау көрсеткені үшін алғыс білдіріп, ҚХР төрағасы Си Цзиньпинді ШЫҰ мемлекет басшылары кеңесіне төрағалық етуімен құттықтап, қытай тарапына табыс тіледі.