Лифтідегі төбелес «пранк» болып шықты: Қызылорда тұрғыны айыппұл арқалады

Полиция қызметкерлері әлеуметтік желілерге мониторинг жүргізу барысында лифт ішінде болған жанжал бейнеленген видеоны анықтады. Қызылорда облысында лифт ішінде пранк жасаған азамат жауапқа тартылды, деп хабарлайды Orda.kz.       

Бейнежазбадан азаматтың танысымен бірге лифт ішінде сөзге келіп, арты төбелеске ұласқанын байқауға болады. Олардың бұл әрекеті лифтте болған басқа адамдарға қауіп төндірген.

Алайда бейнежазба соңында «жанжалға» қатысқандар бұл әрекеттің пранк екенін айтқан.

Аталған дерек бойынша полиция қызметкерлері Қызылорда қаласының 20 жастағы тұрғыны Қасымбек Нұрсұлтанды анықтап, полиция бөліміне жеткізді. Сот шешімімен азаматқа айыппұл түріндегі жаза тағайындалды.

Полиция мұндай «әзілдерге»  жол берілмейтінін ескертіп, азаматтарды қоғамдық тәртіпті сақтап, айналасындағы адамдарға құрметпен қарауға шақырады.

Оқи отырыңыз:

• АҚШ өтініш жасады: Украина Қазақстан мұнайын тасымалдайтын танкерлерге шабуылын тоқтатты
• Күн сайын 5 адам көз жұмады: Қазақстанда өкпе обырына қарсы жаңа скрининг басталады