Баспана кезегін сату ісі: «Отбасы банк» басшысы жағдайды түсіндірді

Жақында 2025 жылғы «Отбасы банк» қызметкерлерінің қатысуымен болған бірнеше сыбайлас жемқорлық схемасына қатысты есеп жарияланды. Осыдан кейін баспана кезегін сату төңірегінде туындаған резонансты жағдайға банктің басқарма төрағасы Ләззат Ибрагимова пікір білдірді, деп хабарлайды Orda.kz.       

Біз бұған дейін «Отбасы банкте»  жемқорлық схемасы анықталғаны туралы Қазақстан қор биржасында жарияланған банктің жылдық есебінде берілгенін жаздық.

Осы жағдайға байланысты екі қызметкер жұмыстан шығарылып, тиісті материалдар полицияға жолданған. Қазір қылмыстық іс тергеліп жатыр.

Осыған орай, кезегі заңсыз берілген пәтердің несие келісімшарты жасалғанға дейін тоқтатылған. Пәтер қайтадан жалпы пулға қайтарылған. Сондықтан банкке де, кезекте тұрған басқа азаматтарға да материалдық шығын келмеген.

Ибрагимованың айтуынша, осы оқиғадан кейін банк қызметкерлерінің жүйедегі барлық әрекетін тіркеп отыру үшін цифрлық бақылау күшейтілген.

Еске салсақ, банк қызметкерлері клиенттерді тұрғын үй кезегінде жылжыту және риелторлар, нотариустар мен жеке сот орындаушыларының мүддесі үшін заңсыз сыйақы алғаны белгілі болып, бұл мәселе қоғамда резонанс тудырған еді.

Оқи отырыңыз:

• «Отбасы банк» қызметкерлері тұрғын үй кезегін сатқаны анықталды
• Ұлттық банк 2027 жылдан бастап несие санына шектеу енгізеді
• Елімізде банктер бірін-бірі жұтып жатыр, оның салдары қандай болады?