Талдықорғанда әкесіне қол жұмсаған 18 жастағы жігіт ұсталды 

6 ақпан күні Талдықорғанда Көктал шағын ауданында 18 жастағы жігіт өз әкесін ас үйдегі табамен ұрып өлтірген.

Полиция ұсынған мәлімет бойынша, Көктал шағын ауданындағы жеке үйлердің бірінен зорлық-зомбылық белгілері бар 50 жастағы ер адамның денесі табылған.

- Белгілі болғандай, әкесімен сөзге келіп қалған ұлы ас үйдегі табамен әкесін ұрып өлтірген. ҚР Қылмыстық кодексінің 99-бабы «Кісі өлтіру» бойынша сотқа дейінгі тергеу басталды. Қылмыс құралы тәркіленіп, қылмыстық іс материалдарына заттай дәлелдемелер ретінде тіркелді, - деп хабарлады ПД. 

Қазір іс бойынша қажетті сараптамалар тағайындалған. Күдікті ұсталып, уақытша ұстау изоляторына қамауға алынған.