Шымкентте жаңа мәдениет сарайы бой көтермек 

Шымкентте қала көркі болған «Фосфоршылар сарайы» қайтадан бой көтермек.

Бұл туралы Шымкент қаласы әкімінің баспасөз қызметі хабарлады.

Жылдар бойы қаланың көркі  болған ғимарат қараусыз қалып, кейінен жеке меншікке өтіп кеткен. Материалдары талан-таржы болып, ғимарат конструкциясына орасан зақым келтірілген. 2023 жылдың қараша айында коммуналдық меншікке өткен. Әбден тозығы шыққан  сарайды қалпына келтіру мүмкін емес. Сондықтан 1975 жылы салынған Мәдениет сарайы ғимаратын бұзу туралы шешім қабылданды.  

Күзде басталатын құрылыс жұмыстарымен «Сәби» қайырымдылық қоры айналысады. Бүгінде қордың тапсырысы бойынша мәдениет сарайының дизайн-жобасы әзірленген және тарихи келбеті барынша сақталады. 

Жаңа мәдени ошақта өнер, кәсіп дағдыларына бағытталған үйірмелер іске қосылады. Сонымен қатар қала тұрғындарына қызмет көрсетітетін орталық аумағы абаттандырылып, субұрқақтар мен аллеялар, балалар және спорт алаңдары қарастырылған.