Семейде құтқару қызметінің қызметкерлері жасөспірімді суицидтен арашалап қалды

Жексенбі күні таңғы сағат 9-да жасөспірім 112-ге хабарласып, өз-өзіне қол жұмсамақ болған. Төтенше жағдайлар министрлігі хабарлағандай, бала аспалы көпірден секірмек болған, деп хабарлайды Orda.kz.

«Қоңырауды азаматтық қорғау кіші сержанты Айжан Қаленова қабылдап, полиция келгенге дейін баламен әңгімені созып, шұғыл психологиялық көмек көрсетті. Ол өз-өзіне қол жұмсау әрекетінің алдын алды» деп хабарлады Төтенше жағдайлар министрлігі. 

Кейін полиция жасөспірімді құтқару сәтінің видеосын жариялады.

Ведомствоның хабарлауынша, құтқарушы жасөспіріммен сөйлесіп жатқан кезде полиция қызметкерлері Дамир Ахметқалиев пен Райымбек Есенғалиев көлікпен жігіт тұрған көпірге барған.

Олар үш минут ішінде оқиға орнына жеткен. Тәртіп сақшысы Есенғалиев балаға үнсіз жақындап, оны шетке алып кетті.

«Қалың қалай? Не болды? Кеттік, кеттік, кеттік, бәрі жақсы болады. Сен мықтысың!», - деп жұбатқан полицияның сөзін келтіреді баспасөз қызметі.

Дәл осы уақытта дәрігерлер көпірге қарай көлікпен келе жатты. Полицейлер қазір жасөспіріммен психологтар жұмыс істеп жатқанын айтты.