Сандуғаш Дүйсенованы қолдау үшін петицияға қол жинау басталды

Журналист Сандуғаш Дүйсенованы қолдау үшін петицияға қол жинау басталды. Бұл туралы журналистің қызы Сая Біләлова хабарлады.

«Менің анама Instagram-ға кіруге рұқсат берілді, бірақ пост жазуға болмайды. Сондықтан бүгіннен бастап оның парақшасын мен - қызы Сая Біләлова жүргізетін боламын. Қолдауларыңыз үшін алғыс айтқым келеді! Анам қылмыскер секілді уақытша ұстау изоляторына қамалып, журналистердің араласуынан кейін ғана босатылды! Тергеу жалғасып жатыр. Әзірге жанашыр адамдар бастаған петицияны қолдауларыңызды сұраймын» деп жазды ол. 

Айта кетейік, Сандуғаш Дүйсенованы полиция 11 тамыз күні ұстап әкетіп, уақытша ұстау изоляторына қамады. Тергеуде болған журналист өзін полицияның шешіндіріп, видеоға түсіріп алғанын айтты.