Ұлттық банк базалық мөлшерлемені қайтадан төмендетті — 16,75 %

Қазақстан Ұлттық банкі базалық мөлшерлемені 17 %-дан 16,75 %-ға дейін төмендетті, деп хабарлайды Orda.kz.

Бұл — 2026 жылы базалық мөлшерлеменің екінші рет төмендетілуі. Бұған дейін Ұлттық банк мұндай шешімді 5 маусымда қабылдаған болатын. Ол кезде реттеуші мөлшерлемені бірден бір пайыздық тармаққа төмендетіп, 18%-дан 17%-ға түсірген еді.

Алдыңғы шешімнің негізгі себебі — баға өсімінің біртіндеп баяулауы болды. Мамыр айының қорытындысы бойынша жылдық инфляция 10,4% деңгейінде қалыптасты. Бұл 2025 жылғы қыркүйекте тіркелген ең жоғары көрсеткіштен 2,5 пайыздық тармаққа төмен.

Шілде айындағы отырыс алдында сарапшылардың басым бөлігі базалық мөлшерлеме 17% деңгейінде сақталады деп болжаған. Бұған негізгі себеп ретінде қазақстандық сарапшылар мұнай экспортына қатысты тәуекелдерді атаған. Алайда инфляцияның әрі қарай баяулауы және сыртқы нарықта елеулі күйзелістердің болмауы жағдайында мөлшерлемені төмендету мүмкіндігі сақталған.

Базалық мөлшерлеменің төмендеуі несиелерді қолжетімді етіп, тұтынушылық сұраныстың артуына ықпал етеді.

Оқи отырыңыз:

• АҚШ-тың жаңа кедендік баждары: Қазақстанға қатысы бар ма?
• ІІМ блогерлер мен ақпараттық ресурс иелеріне иелеріне ескерту жасады