Алматыда есірткі жарнамасы бар QR-код жапсырып жүрген адам ұсталды

Алматы қаласының Түрксіб ауданында полицейлер Талғар ауданының 25 жастағы тұрғынын ұстады. Ол есірткі сататын интернет-ресурсқа апаратын QR-кодтары бар жапсырмаларды таратып жүрген, деп хабарлайды Orda.kz.       

Күдікті жапсырмаларды учаскелік полиция инспекторы аумақты тексеру кезінде байқап қалған.

Жедел қызметкерлер күдіктінің жеке басын анықтап, оны ұстады. Полиция мәліметінше, ер адам еш жерде жұмыс істемеген және есірткіге тәуелді болған. Оның жанынан ондаған баспаханалық QR-коды бар жапсырмалар табылды, оларды ол қала аумағында жапсырмақ болған.

Аталған дерек бойынша қылмыстық іс қозғалды, күдікті қамауға алынды.

Полиция тұрғындарды осындай жапсырмаларға назар аударуға шақырды. 

Егер есірткі ресурстарының жарнамасын байқасаңыз, оны алып тастау немесе 102 нөміріне хабарлау ұсынылады. Әрбір жойылған QR-код тыйым салынған заттардың таралуын азайтуға көмектеседі.

Оқи отырыңыз: 

• Қостанай облысында әйел TikTok пен Instagram-да есірткі дүкенін жарнамалаған
• Елімізде есірткімен айналысатын 15 ҰҚТ жойылды
• Оңай табыс іздеген жастарымыз есірткі таратушыға айналып барады