Өз стадионын Канье Уэстке қалдырып, «Қайрат» Түркістанда ойын көрсетеді

Алматылық «Қайрат» футбол клубы еурокубоктардың үшінші іріктеу кезеңіндегі өз алаңындағы матчын Түркістанда өткізетін болды, деп хабарлайды Orda.kz.

Клубтың баспасөз қызметінің мәліметінше, матчтың ауыстырылуына америкалық рэпер Канье Уэсттің концерті себеп болған. Концертті 14 тамыз күні Алматының Орталық стадионында өткізу жоспарланып отыр.

Еске сала кетейік, бұған дейін концерт ұйымдастырушылары әртістің дәл осы стадионда өнер көрсететінін жариялап, билет сату сервисі жақын арада билеттердің сатылымы басталатынын хабарлаған болатын. Алайда «Қайрат» клубы бұл күннің өздерімен келісілмегенін мәлімдеген еді.

Нәтижесінде концерт пен еурокубок күнтізбесінің тығыздығына байланысты клуб өз матчтарын өз аренасында өткізе алмайтын болды.

Соңғы күндері «Қайрат» өкілдері УЕФА-ға матч өтетін орынды өзгерту туралы өтініш жасап, Еуропалық футбол қауымдастығы бұл өтінішті мақұлдады.

Оқи отырыңыз:

• «Қайрат» клубы мәлімдеме жасады: Канье Уэсттің концерті келісілмеген
• Өз қарызын жабам деп басқаны қарызға батырған әйел сотталды
• Тамыз айында Қазақстанның бірқатар өңірінде қуаңшылық болады