АҚШ-тың жаңа кедендік баждары: Қазақстанға қатысы бар ма?

АҚШ бірқатар елдердің тауарларына қосымша 12,5 пайыздық баж салығын енгізіп жатыр, деп хабарлайды Orda.kz.        

Бұл шешім Вашингтонның кей елдерде мәжбүрлі еңбекпен өндірілген өнімдердің импортына қойылатын шектеулермен байланысты талаптарына қатысты екенін Ақ үй мәлімдеді.

Қазақстан үшін баж мөлшері қандай болатынына тоқталсақ, тізімдегі елдердің басым бөлігіне, соның ішінде Қазақстанға, 12,5 пайыз көлемінде қосымша баж салығы белгіленді. Бұл мөлшер қолданыстағы америкалық импорттық баждарға қосымша ретінде есептеледі.

Жаңа талап 2026 жылғы 24 шілдеден бастап АҚШ аумағына тұтыну үшін әкелінетін немесе кеден қоймасынан шығарылатын тауарларға қатысты қолданылады.

2 маусымда АҚШ-тың сауда өкілі қаралған елдердің әрекеттері немесе әрекетсіздігі Америка саудасына кері әсер ететінін және жауап шараларын қабылдауға негіз болатынын мәлімдеді. 

Қосымша 10 пайыздық баж 17 экономикаға белгіленді. Олардың қатарында Аргентина, Бангладеш, Камбоджа, Канада, Эквадор, Сальвадор, Гватемала, Гондурас, Үндістан, Индонезия, Иордания, Малайзия, Мексика, Пәкістан, Шри-Ланка, Ұлыбритания, сондай-ақ Тринидад пен Тобаго бар.

Еуропалық одақ пен Тайвань үшін жалпы баж мөлшері 10 пайыздан аспауы тиіс. Ал Жапония, Оңтүстік Корея және Швейцария үшін осыған ұқсас тетік енгізіліп, шекті мөлшер 12,5 пайыз болып белгіленген.

Дегенмен бұл арлық тауарларға бірдей әсер етпейді. Меморандумда кейбір тауар санаттары қосымша баждан босатылатыны көрсетілген. Атап өтетін болсақ:

• АҚШ-та жеткілікті көлемде өндірілмейтін өнімдер;
• тапшылығы ел экономикасына кері әсер етуі мүмкін тауарлар;
• басқа жеткізушілерден жеткілікті көлемде сатып алу мүмкін емес өнімдер;
• баж енгізу тиісті елдің заңнамасын өзгертуге ықпал етпейтін тауарлар.

Қазақстан үшін де тізімдегі елдерге ортақ бірқатар жеңілдіктер қарастырылған. Олардың қатарында кейбір гуманитарлық тауарлар, ақпараттық материалдар, энергетикалық және өнеркәсіптік өнімдердің жекелеген түрлері, сондай-ақ арнайы америкалық сауда режимдеріне жататын тауарлар бар.

АҚШ-тың сауда өкілі кейіннен баж мөлшерін немесе жеңілдіктерді өзгертуі не толықтай алып тастауы мүмкін екенін айтты. Бұл елдердің мәжбүрлі еңбекке қатысты заңнамасы мен бақылау тетіктерін қайта қарауына байланысты болады.

Қазақстанның Сауда және интеграция министрлігі жағдайды зерделеп, ресми түсініктеме дайындап жатқны белгілі болды.

Оқи отырыңыз:

• Трамп Канададан келетін тауарларға 50 пайыздық баж салығын енгізді
• АҚШ-тың баж салығы кофеге де жетті: Өнім тез қымбаттауда
• Сауда соғысы? Канада, Мексика және Қытай АҚШ импортына жауап ретіндегі өз тарифтерін енгізді