«Алтыналмас» АҚ кен орнында жұмысшы қаза тапты

«Алтыналмас» АҚ-ның өндірістік нысандарының бірі саналатын «Пустынное» тау-кен байыту кешені аумағында жұмысшы қаза тапты. Компания өкілдері жазатайым оқиға болғанын мәлімдеді, деп хабарлайды Orda.kz.       

Қайғылы жағдай 23 шілде күні шамамен сағат 11:30-да болған. Қаза тапқан адам – конвейер машинисі Кәрім Рымбаев.

Оқиғаның себептері мен мән-жайы анықталып жатыр.

Компания марқұмның отбасына көңіл айтып, жан-жақты көмек көрсетілетінін жеткізді.

Айта кетейік, 2024 жылы да «Алтыналмас» АҚ кәсіпорнында өндірістегі тағы бір жазатайым оқиға тіркелген еді. Жамбыл облысындағы тау-кен байыту кешенінде тау жынысы опырылып, бір адам үйінді астында қалған.

Сол кезде компанияның баспасөз қызметі оқиға орнына жедел түрде авариялық-құтқару жасағы жетіп, іздестіру-құтқару жұмыстары басталғанын хабарлаған. 

«Компанияда жазатайым оқиға бойынша тергеу басталды. Үйінді астында қалған жұмысшыны іздеу үшін барлық қажетті шаралар қабылдануда. Оқиғадан кейін бірден жұмыс тобы құрылып, арнайы комиссия оқиғаның себептері мен мән-жайын анықтап жатыр» деп мәлімдеген еді компания өкілдері сол кезде.

Алайда тау жыныстарының қозғалысы мен күрделі географиялық жағдайларға байланысты опырылған аймаққа қол жеткізу қиын болған.

Оқи отырыңыз:

• Жамбылда жұмысшы опырылған тау жыныстарының астында қалды
• Астанада көкөніс дүкеніне кіріп кеткен көлік 15 жастағы қызды жаралады
• Он бес минутта Венецияға айналған Астана