«Росатом» Қазақстанда атом электр станциясының екі блогын салуды ұсынды

Ресейдің «Росатом» мемлекеттік корпорациясы Қазақстанда атом электр станциясының жалпы қуаттылығы 2400 МВт-қа дейін жететін 3+ буынды ядролық реакторлары бар екі блок салуды жария түрде ұсынды.

Бұл туралы ТАСС хабарлайды.

«Мемлекеттік корпорация Астанаға республикадағы электр энергиясы тапшылығын 20%-ға дейін өтей алатын және әлемдегі ең қауіпсіз деп саналатын екі атом электр станциясын салуды ұсынады» ,- деді «Росатом Орталық Азия» ЖШС бас директоры Сергей Громов.

Громов атап өткендей, ең заманауи үшінші буынға (3+) жататын қондырғылардың жалпы қуаты 2,4 мың МВт құрайды.

Естеріңізге сала кетейік, Қазақстанның оңтүстігінде Үлкен ауылы аумағында атом электр станциясын салу жоспарлануда. Билік бірнеше әлеуетті жеткізушілерді қарастыруда: қытайлық CNNC компаниясы, оңтүстіккореялық KHNP, француздық EDF және Росатом.