Қазақстан мен Қырғызстан шекарасында жер сілкінісі болды

Қазақстан мен Қырғызстан шекарасында жер сілкінісі тіркелді, деп хабарлайды Orda.kz.       

Қырғызстанның Сейсмология институтының мәліметінше, 20 тамыз күні Астана уақытымен сағат 22:09-да магнитудасы 3,2 болатын жер сілкінісі болған.

Жер сілкінісінің ошағы шамамен 20 шақырым тереңдікте орналасқан. Энергетикалық класы – 8. Эпицентрдегі жер сілкінісінің қарқындылығы шамамен 3 балл деп бағаланды.

Сейсмологтардың хабарлауынша, Қырғызстан аумағында жер сілкінісі сезілмеген. Жер сілкінісінің эпицентрі екі елдің шекарасына жақын аумақта орналасқан.

Еске салайық, 20 тамызға қараған түні қазақстандық сейсмологтар Қырғызстан аумағында магнитудасы 4,2 болатын жер сілкінісін тіркеген болатын.

Оқи отырыңыз:

• Президент сирек металдар саласындағы қауіпсіздікті күшейтуді тапсырды
• Талғар тауында сүйегі табылған адамның туыстары оның 20 жыл бұрын жоғалып кеткенін мәлімдеді