290 миллион теңге салық: Қылмыскер Ресей Федерациясынан экстрадицияланды

Қазақстан Республикасының Бас прокуратурасы аса ірі мөлшерде салық төлеуден жалтарғаны үшін қылмыстық жауаптылыққа тартуға Қазақстан азаматын Ресей Федерациясынан экстрадициялады, деп хабарлайды Orda.kz.       

Тергеумен күдікті 2022-2023 жылдары коммерциялық ұйымның директоры болып, кірістер декларациясына бұрмаланған деректерді енгізу арқылы 290 миллион теңгеден астам салық төлеуден жалтарғаны анықталды.

Осы қылмысты жасағаннан кейін ол қылмыстық қудалау органынан жасырынып жүрген, осыған байланысты халықаралық іздеуге жарияланған.

Биылғы қаңтарда ол Краснодар қаласында ұсталып, Қазақстан Бас прокуратурасының сұрауымен елге экстрадицияланды. Қазіргі уақытта күдікті тергеу изоляторына қамалды. 

Оған тағылған қылмыс үшін белгiлi бiр лауазымдарды атқару немесе белгiлi бiр қызметпен айналысу құқығынан үш жылға дейінгі мерзімге айыра отырып, 8 жылға дейін бас бостандығынан айыру жазасы көзделген.

Оқи отырыңыз:

• Алматы мен Гонконг арасында жаңа тікелей әуе рейсі ашылады
• «Резеңке пәтерлердің» кесірі: Алматыда пәтерге тіркелетін тұрғындар санына шектеу қойылады