Алматы облысында 17 жастағы қыз өлі табылды: Ол соңғы хат қалдырған

Алматы облысы Іле ауданындағы Көкқайнар ауылында 17 жастағы Ясмина есімді 11-сынып оқушысы қайтыс болған. Анасы тілшімізге оқиға болған күн туралы баяндап берді, деп хабарлайды Orda.kz.        

Оның сөзінше, отбасы мүшелері оқиғадан кейін бұл үйге кірмейтін болған. 

Ясмина 10-сыныпта осы мектептегі мұғалімінің ұлымен араласа бастаған. Отбасының мәлімдеуінше, осы қарым-қатынасқа байланысты қызға қысым жасалған. 

Олардың айтуынша, 23 сәуірде Ясмина мектепке шақырылып, одан ол баламен араласуды өз еркімен тоқтататыны туралы қолхат жазуды талап еткен. Қыздың туыстарының сөзінше, Ясмина қорқып, талап етілген мәтінді жазған.

Сағат шамамен 15:00-де ол үйіне қайтқан. Үйде ешкім болмаған. Сол күні қайғылы жағдай болған.

Қыздың анасы жүргізетін парақшада Ясминаның соңғы сөздері де жарияланған:

«Мама, папа, мен сендерді жақсы көремін. Менің басқа жолым болмады».

Отбасы қыз қайтыс болғаннан кейін бірден құқық қорғау органдарына арыз бергенін айтады. Сондай-ақ олар Білім министрлігі мен прокуратураға жүгінген. Алайда туыстарының сөзінше, арада төрт айға жуық уақыт өтсе де, істің нәтижесі туралы нақты жауап алмаған.

Ал мектеп әкімшілігі кәмелетке толмаған қыздың өліміне қатысты құқық қорғау органдары тергеу жүргізіп жатқанын растады. 

Бұл істегі отбасы айтқан қысым фактілері әзірге ресми түрде дәлелденген жоқ. Олардың шындыққа сәйкестігін тергеу нәтижесі анықтауы тиіс.

Оқи отырыңыз:

• «Мен шаршадым, екі балам аманат»: Гүлмираның өліміне қатысты жантүршігерлік деректер
• «Біреуінің бауыры езіліп, үш бала қашып кеткен»: Райымбек ауданындағы қайғылы апатқа байланысты жаңа деректер шықты