Ақтастағы психиатриялық ауруханада тексеру жүргізіліп заңбұзушылықтар анықталды

Orda.kz-тің науқастардың азаптау, мәжбүрлі еңбек және түсініксіз өлімдер туралы шағымдарына қатысты жарияланымынан кейін Ақтастағы психиатриялық аурухана тексерілді. Тексеру барысында бірқатар заңбұзушылық анықталған, деп хабарлайды Orda.kz.

Orda.kz-тің науқастардың азаптау, мәжбүрлі еңбек және түсініксіз өлімдер туралы шағымдарына қатысты жарияланымынан кейін Ақтастағы Республикалық мамандандырылған үлгідегі қарқынды бақылауы бар психиатриялық ауруханада тексеру жүргізілді.

Тексеруді Алматы облысы бойынша Медициналық және фармацевтикалық бақылау комитеті департаменті жүргізген. Министрлік өкілдерінің мәліметінше, тексеру барысында лицензиялық талаптарға қатысты мәселелер, кейбір бөлімшелерде медициналық жабдықтардың жетіспеуі, оңалту жұмыстарын ұйымдастыру және диагностика жүргізу кезінде заңбұзушылықтар анықталған.

Сонымен қатар, медициналық құжаттарды толтыруда қателіктер болған. Дәрі-дәрмектерді сақтау және жою тәртібіне қатысты да кемшіліктер анықталған.

Дегенмен, Денсаулық сақтау министрлігі аталған кемшіліктерге қарамастан, ауруханадағы диагностика мен емдеу жұмыстары белгіленген талаптарға сәйкес келетінін мәлімдеді. Аурухана басшылығына анықталған заңбұзушылықтарды жою бойынша ұсынымдар берілді.

Еске сала кетейік, Orda.kz сайтында бірнеше адамды өлтіріп, адам жегені үшін сотталған Николай Жұмағалиевқа  ұқсайтын адамның Ақтастағы психиатриялық аурухана палатасында басқа ер адаммен сөйлесіп отырған видеосының үзіндісі жарияланған еді. Видеода ол ауруханадағы бірқатар заңбұзушылық туралы айтқан еді.

Оқи отырыңыз:

Адамжегіш Николай Жұмағалиев психиатриялық ауруханадан тараған видеода не айтты?

Алматыда күйеу баласы енесін зорлады деген күдікке ілікті