«Қалың мал бергенбіз»: Меркідегі 19 жастағы Мадинаның дүниесін қайын жұрты неге бермеді?

Меркіде 19 жастағы Мадинаның қазасына қатысты жаңа мәліметтер айтылды. Туыстарының айтуынша, қайын жұрты Мадинаның киімдерін беруден бас тартып, «қалың мал бергенбіз» деп жауап қайтарпты, деп хабарлайды Orda.kz.

Меркіде 19 жастағы Мадинаның қазасына қатысты жаңа мәліметтер әлеуметтік желіде талқыланып жатыр. Журналист Жан Ахмадиев марқұмның анасымен бірге оның қайын жұртына барып, Мадинаның киімдері мен жеке заттарын алып кетпек болғанын айтты. Оның сөзінше, марқұмның енесі заттарды беруден бас тартып, «қалың мал бергенбіз» деп жауап қайтарған.

Журналистің айтуынша, олар кеткеннен кейін берілмеген киімдер мен заттар үйдің сыртына шығарылып тасталған. Мадина отбасындағы жалғыз бала болыпты, ал күйеуі марқұмның ата-анасынан кешірім сұрамаған.

Мадинаның анасы журналистке мәйітханада болған жағдайды да айтып берген. Оның сөзінше, қызын алып кетуге барған кезде қайын жұрты мәйітті өздері алып кетуге тырысқан және жерлеуді мүмкіндігінше ертерек өткізуді жоспарлаған. Анасы мұны денедегі жарақаттарды көрсетпеу әрекеті болуы мүмкін деп санайды.

Айта кетейік, бұл — марқұмның анасы мен журналистің айтқан нұсқасы. Оқиғаның нақты мән-жайы тергеу барысында анықталады.

Оқи отырыңыз:

Жамбыл облысында 19 жастағы әйел «Барниге» бола күйеуімен жанжалдасып, кейін қайтыс болды

«Қызымды бірден тани алмадым»: Фельдшер Ұлдананың анасы сотта көз жасына ерік берді