Алматыда күйеу баласы енесін зорлады деген күдікке ілікті

Алматыда ер адам өзінің қарт енесін зорлады деген күдікке ілінді. Полиция қылмыстық іс қозғап, күдіктіні ұстады. Алайда жәбірленуші үш күн өтсе де сот-медициналық сараптамадан өте алмаған, деп хабарлайды Orda.kz.

«НеМолчи» қорының мәліметінше, оқиға 17 тамызда болған. Қор мәліметінше, ер адам қарт әйелдің үйіне шай ішу сылтауымен келген. Ол әйелдің дәрменсіз жағдайын пайдаланып, оған сексуалдық зорлық көрсеткен. Жәбірленушінің қызы сол күні полицияға өз күйеуіне қатысты арыз жазған. Алайда құқық қорғау органдары сараптама жүргізуге қажетті құжаттарды дұрыс рәсімдей алмаған.

«Қарт әйел сот-медициналық сараптамадан өту үшін жеткізілген мәйітханада қаулыны қабылдамаған. Құжаттың дұрыс толтырылмағанын айтқан. Арада үш күн өтсе де, әйел әлі сараптамадан өтпеген»деп жазылған «НеМолчи» мәліметінде.

Әуезов аудандық полиция басқармасы бұл факті бойынша қылмыстық іс қозғады. Күдікті ұсталып, уақытша ұстау изоляторына қамалды. Полиция ер адамның кінәсі дәлелденсе, заңға сәйкес жауапқа тартылатынын мәлімдеді.

Оқи отырыңыз:

«Қалың мал бергенбіз»: Меркідегі 19 жастағы Мадинаның дүниесін қайын жұрты неге бермеді?

290 миллион теңге салық: Қылмыскер Ресей Федерациясынан экстрадицияланды