«Резеңке пәтерлердің» кесірі: Алматыда пәтерге тіркелетін тұрғындар санына шектеу қойылады

21 тамыз 2026 09:10 Ләззат Нұрсапақызы

Фото: Orda.kz

Алматы қаласының Жұмыспен қамту және әлеуметтік бағдарламалар басқармасының мәліметінше, бұдан былай тұрғын үйдің әр 15 шаршы метріне бір адамнан артық тіркеуге болмайды, деп хабарлайды Orda.kz.

Алматыда бір пәтерге тіркеуге болатын адамдар санына шектеу енгізу ұсынылды. Мысалы, ауданы 75 шаршы метр болатын пәтерде бес адамнан артық адам тұра алмайды.

Мұндай шектеу Астанада бұған дейін енгізілгені белгілі. Осылайша, қала билігі «резеңке пәтерлер» деп аталатын, бір мекенжайға шамадан тыс көп адамды тіркеу жағдайларын азайтуды көздеп отыр.

Алматы әкімдігі бұл ұсынысты депутаттардың қарауына ұсынды. Жоба 26 тамызға дейін талқыланады.

Қазақстан бойынша тұрғын үй кезегінде жарты миллионға жуық адам тұрғаны белгілі. Есеп бойынша кезекте тұрған азаматтар өз пәтерінің кілтін алу үшін кемінде 10 жыл күтуі мүмкін.

Ең бастысы жаңа талап жақын туыстарға, яғни бірге туғандарға қатысты қолданылмайды. Яғни бір пәтерде бірге тұратын жақын туыстарды тіркеуге байланысты бұл шектеу жүрмейді.

Ұсынылып отырған өзгерістің негізгі мақсаты бір пәтерге ондаған адамның тіркелуі сияқты жағдайларды шектеу және тұрғын үйді әлеуметтік мақсатта пайдалану тәртібін реттеу. Жоба әзірге ұсыныс деңгейінде, ал оның нақты талаптары депутаттардың талқылауынан кейін белгілі болады.

Еске салсақ, Алматы прокуратурасы 990 адам тіркелген бір бөлмелі «резеңке пәтерді» анықтады. Бір бөлмелі пәтер емес, тұтас бір шағын аудан деуге болады, себебі тіпті тоғыз да емес, 99 да емес — 990 адам тіркелген. Қадағалау органы мәліметінше, ол тіркеу үшін ақша алып отырған.

Біз бұны сындай ақша үшін жасалатын заңсыз әрекеттер пәтерге шын мұқтаж ретінде өз кезегін күтіп жүрген адамдарға кесірін тигізбес үшін жасалған қадам деп түсіндік.

Оқи отырыңыз:

Жаңалықтар

барлық жаңалықтар