«Жаңа өмір бастадым»: Ұлдана Мырзуанның бұрынғы күйеуі неге жәбірленуші мәртебесінен бас тартқанын айтты

Астанада фельдшер Ұлдана Мырзуанның қазасына қатысты іс бойынша сот процесінің негізгі отырысында марқұмның бұрынғы күйеуі Әділет Зейнел жауап берді, деп хабарлайды Orda.kz.

Астана қаласының қылмыстық істер жөніндегі ауданаралық сотында фельдшер Ұлдана Мырзуанның қазасына қатысты соттың  негізі отырысында тараптардың жауап беру кезеңі анықталды. Артынша Әділет Зейнел жауап берді.

Әділет Зейнелдің айтуынша, 2025 жылдың 8 қарашасында екеуі әдеттегідей жұмысқа бірге шыққан. Алайда арада біраз уақыт өткен соң оған әйелінің қабылдау бөлімінде жатқаны жайлы телефонына хабарлаған. Алайда алғашында бұл ақпаратқа сенбеген ол оны әзіл деп қабылдаған. Кейін төмен түсіп өзі жұмыс істеп жүрген ауруханаға марқұм жұбайын алып келгенде, оны әйелі  екенін тануға шақырған да ғана жұбайының қандай хәлде жатқанын көрген екен. Ол кезде Ұлдана қарқынды терапия  палатасында жатқан.

Сонымен қатар, Зейнел 19 қарашада Ұлдананың әпкесімен бірге әкімдікке барғанын айтты. Оның сөзінше, сол жерде мәслихат депутаты оларға қолма-қол 20 млн теңге берген. Бұл ретте ешқандай құжатқа қол қойылмаған. Прокурор мен қорғау тарабы нақты депутаттың кім екенін, аты-жөнін сұрағанда Зейнел есінде жоқ екенін айтты. 

«Кездесуге келгенімізде Астана әкімі, оның орынбасары және мәслихат депутаты болды. Мәслихат депутатының аты-жөнін қазір есіме түсіре алмаймын. Ол ақшаны өз қолымен бізге берді. 20 миллион теңгені қолма-қол тапсырды. Ешқандай қолхат болған жоқ, біз ештеңеге қол қойған жоқпыз. Ол жерде журналистер де болған жоқ. Мен ол жерге Ұлдананың туған әпкесі Ақнұрмен бірге бардым. Екеуіміз де кездесуге бірге қатыстық», – деді Әділет Зейнел.

Судья неліктен аяқ астынан жәбірленуші болудан бас тартқанын сұрады.

«Мен жаңа өмір бастадым, екінші рет үйлендім. Сондықтан жәбірленуші болудан бас тартуды шештім. Оның үстінен Ұлдананың анасы БАҚ өкілдеріне менің жәбірленуші статусынан бас тартуым керек екенін айтты. Сондықтан барлығын анасына бергім келеді, ары қарай осы іспен анасы айналыссын дедім», – дейді марқұмның жұбайы.

Айта кетейік, бүгінгі жауап алу кезеңіне дейінгі сот отырысында қорғау тарабы судьяға қарсылық білдірген еді. Алайда судьяға қарсылық білдіру қанағаттандырылмады,  істі Меруерт Абаева қарай береді деп шешілді.

Оқи отырыңыз:

Фельдшер Ұлдана Мырзуанның өлімі: Қорғау тарабы судьяға қарсылық білдірді

Арыстағы әскери бөлім аумағында оқ-дәрі жарылды: Құрғақ шөп тұтанған