Автобуста төбелесіп, пышақ шығарған

Алматыда автобуста болған төбелеске қатысты қылмыстық іс қозғалды. Жанжал кезінде қатысушылардың бірі пышақ шығарған, деп хабарлайды Orda.kz.

Әлеуметтік желіде Алматыдағы автобустардың бірінде болған жанжалдың видеосы тарады. Кадрларда бірнеше ер адамның төбелесіп, жолаушылар мен жүргізушінің оларды ажыратуға тырысқаны көрінеді. Видеодан айқай мен баланың жылаған дауысы да естіледі.

Әлеуметтік желідегі ақпаратқа сәйкес, жанжал кезінде қатысушылардың бірі пышақ шығарған. Оқиғаның нақты мән-жайы анықталып жатыр.

«Бұл факт бойынша Түрксіб аудандық полиция басқармасы қылмыстық іс қозғады. Күдіктілер ұсталып, Алматы қаласы полиция департаментінің уақытша ұстау изоляторына қамалды. Полиция жанжалға қатысушылардың әрқайсысының әрекетіне құқықтық баға беріледі» деп жазылған ПД түсіндірмесінде.

Полиция азаматтарды арандатуға бой алдырмай, жанжалдарды күш қолданбай, бейбіт жолмен шешуге шақырды.

Оқи отырыңыз:

• «Қалың мал бергенбіз»: Меркідегі 19 жастағы Мадинаның дүниесін қайын жұрты неге бермеді?
• Жамбыл облысында 19 жастағы әйел «Барниге» бола күйеуімен жанжалдасып, кейін қайтыс болды