Қырым көпірінде жойқын жарылыс болды

Әлеуметтік желілерде түнгі сағат 3-тер шамасында Қырым көпіріне екі соққы жасалып, жарылыс дыбыстары естілді деп хабарлайды. Ресей көлік министрлігі Қырым маңындағы көпір жолының зақымдану фактісін растады.

Дүйсенбі күні таңертең Краснодар облысын 2014 жылы Мәскеу аннексиялап алған Қырыммен байланыстыратын Ресей салған Қырым көпірінде «төтенше» жағдайға байланысты көлік қозғалысы тоқтатылды. Бұл туралы аннексияланған Қырымның басшысы Сергей Аксенов өзінің telegram-каналында хабарлады.

Аксеновтың айтуынша, оқиға Краснодар өлкесінен шығатын көпірдің 145-бағанасында болған. Басқа ешқандай қосымша мәлімет жоқ.

РБК-Украина ақпарат агенттігінің хабарлауынша, көпір жақтан жарылыс дыбыстары естілген.

Вагнер ЖӘК-пен байланысы бар ресейлік «Серая зона» telegram-арнасы Қырым көпірінде таңғы уақытта екі соққы жасалғанын хабарлады: біріншісі таңғы сағат 03:04-те, екіншісі таңғы сағат 03:20-да.

Әзірге Украина тарабы ешқандай түсініктеме берген жоқ.

Қырым көпіріндегі оқиға БҰҰ арқылы Мәскеумен жасалған Қара теңіз арқылы украиндық астықты экспорттау туралы келісімнің мерзімін ұзартуға әсер ете ме, жоқ па, әзірге белгісіз. Мәміле дүйсенбіде аяқталады және жексенбі күні кешке дейін оның қалпына келе қоюуы екіталай.

Қырымның басшысы және Краснодар өлкесінің губернаторы Вениамин Кондратьев көпірдегі төтенше жағдайға байланысты мәселелерді шешу үшін өз аймақтарында жедел штаб құрылғанын хабарлады.

Түбектің Мәскеу тағайындаған әкімшілігі Қырымның барлық қажетті жағдаймен қамтамасыз етілгенін айтып, түбек тұрғындарын көпірмен жүрмеуге шақырды.

Одесса әскери әкімшілігінің баспасөз хатшысы Сергей Братчук өзінің Telegram-каналына ортасынан бөлінген көпір бейнеленген суретті жариялады.