Астанада көкөніс дүкеніне кіріп кеткен көлік 15 жастағы қызды жаралады

Астана қаласындағы Бөлекбаев көшесінде 18 жастағы жүргізуші көлігін дұрыс басқара алмай, көкөніс дүкеніне соғылған. Оқиға салдарынан 15 жастағы қыз ауруханаға жеткізілді, деп хабарлайды Orda.kz.       

Жол-көлік оқиғасы туралы ақпарат әлеуметтік желілерде тарады. Threads желісіндегі alt_ks__ қолданушысы оқиға орнынан фото және бейнематериалдар жариялаған.

Полиция мәліметінше, жол апатына қатысты 18 жастағы Hyundai Accent көлігінің жүргізушісі анықталған. Алдын ала деректерге сәйкес, ол Бөлекбаев көшесімен келе жатып, көлік тізгініне ие бола алмай қалған, салдарынан көкөніс дүкеніне барып бірақ тірелген.

Ведомствоның хабарлауынша, апат кезінде сауда павильонының ішінде болған 15 жастағы қыз зардап шеккен. Ол медициналық мекемеге жеткізілді. Қазіргі уақытта полицейлер тексеру жүргізіп жатыр, оның қорытындысы бойынша тиісті шешім қабылданады.

Оқи отырыңыз:

• Он бес минутта Венецияға айналған Астана
• Прокурор Нұрай Серікбайға 35 рет пышақ салынғанын мәлімдеді
• 73 пайызы ауыр: Біздің шенеуніктер қандай қылмысқа құмар?