Қонаевты «татар» деген Ерлан Төлеутайды белгілі ақын сотқа бермекші

Белгілі ақын Олжас Отар Дінмұхамед Қонаевты «татар дегені үшін« дәстүрлі әнші, өнертанушы Ерлан Төлеутайды сотқа бермекші. 

Бұл туралы ол өзінің Facebook парақшасында мәлімдеді.

«Ерлан Төлеутайды сотқа беремін!
Бір рудың ардақты ақсақалын татар дегені үшін!
Тарихқа баға бере алмайсыз?» делінген хабарламада.

Еске салайық, бұған дейін Ерлан Төлеутайдың желіде «Қонаевтың ұлты қазақ емес, қазақ ұлтын сүйген Тәшенов сияқты бірқатар азаматтардың түбіне жетті  және қазақ тілін құрдымға жіберді» деп, Дінмұхамед Ахметұлы Қонаев туралы жазба жариялады. Ол «Қонаевтың қазаққа қалдырған тағы бір «мұрасы» – трайбализм дерті болды. Ежелден келе жатқан «Бөліп ал да, билей бер» саясатын шебер ұстанған Қонаев қазақты руға бөліп, ара-дарасын шығарды» деп айыптады.