Қаңтарда ту көтерген Әбішев жан сақтау бөліміне түсті

Қаңтар оқиғасы кезінде мемлекеттік туды ұстап жүрген Берік Әбішев аурухананың жан сақтау бөліміне түсті. Бұл туралы оның анасы Ақлима Мұқашева мәлімдеді.

Азаттық мәліметінше, Берік Әбішев қазір Жамбыл аудандық ауруханасында жансақтау бөлімінде жатыр.

– Жағдайы өте әлсіз. Анализ инфекция көрсетіп тұр дейді. Көзін ашқан, бірақ әзірге сөйлей алмайды. Зондпен тамақ беріп жатыр, – деді анасы.

Айта кетейік, Берік Әбішев 6 қаңтарда Алматыда бейбіт шеруге шыққан еді. Наразылық кезінде белсендінің басына оқ тиген.